🎬
圖中為化妝版MM，我哋每兩個星期會見一次，你哋每星期一係我節目都會聽到佢嘅聲音，係一個...

🎬
圖中為化妝版MM，我哋每兩個星期會見一次，你哋每星期一係我節目都會聽到佢嘅聲音，係一個非常有趣嘅人。比起佢鍾意睇咩電影，我更加有興趣佢呢個禮拜又見啲乜嘢工。

條友keep住搵工，又keep住搵到工，然後做兩日又辭職，有時係因為份工好伏，就好似佢有時介紹俾我睇啲戲一樣咁伏，有時係因為另一種服，舒服！佢第一日返工，下晝就whatsapp嚟話「雖然搵到錢但係學唔到野，我都係辭職啦，費事喺comfort zone。」一入到間公司就嫌太舒服，on9ですか？但唔討厭。一個咁樣嘅人點解會有公司請佢？原因係佢散發住一種優良嘅下屬感覺，簡單啲來講就係「好易俾人恰」，啲嘢永遠有做都冇做少，你大概可以從一個人處理自己興趣嘅態度，去睇得出佢係個點樣嘅人。

MM係一個會喺戲院拎住本拍子簿抄對白嘅人，一個會倒貼出錢做紀念品幫手宣傳電影嘅人，一個你邀請佢一齊做節目，佢會連海報都做埋嘅人，難怪去到邊都會有人請，但係我最想見到嘅嘢，並唔係佢搵到一份點樣嘅好工，好似佢啲咁嘅人，你要一佢永遠比三你，咁嘅人其實唔應該幫其他人做嘢，將自己嘅心機放返係自己身上啦！

你今年出書！除咗戥你開心之外，我仲戥所有考慮緊請你嘅公司開心，你終於係寫緊自己嘅嘢唔係寫緊CV喇！做自己嘢啦！唔好再Flirt啲工啦，唔好再成日同人講「我諗我哋都係唔係太啱⋯⋯」份工係唔係狗工都好，做女仔咁flirty都唔係好事吖！

（圖：又化晒妝，一睇就知寫緊CV，又準備去Flirt啲工。）

---